Presidenti ukrainas Volodymyr Zelensky ka hedhur poshtë idenë e anëtarësimit të Ukrainës në NATO pa territoret e saj të pushtuara nga Rusia. Ukraina nuk do të pranonte një anëtarësim të ndarë. Ne nuk kemi marrë një propozim të tillë nga asnjë prej partnerëve tanë. Gjithashtu e kam të vështirë të imagjinoj se si do të ishte,” tha Zelensky. ”Garancia më e fortë e sigurisë për Ukrainën do të ishte anëtarësimi i të gjithë vendit në aleancën e mbrojtjes perëndimore”, shtoi ai. Ish-sekretari i përgjithshëm i NATO-s Anders Fogh Rasmussen sugjeroi se ”Ukraina mund të pranohej në aleancën ushtarake edhe nëse nuk e kontrollonte të gjithë territorin e saj”, duke argumentuar se kjo ”do të largonte Rusinë nga sulmi ndaj territorit ukrainas”. Në një konferencë shtypi të fundvitit në Kiev, presidenti ukrainas falënderoi gjithashtu Gjermaninë për ndihmën e saj, duke vlerësuar vendin si “mbështetësin e dytë më të madh të Ukrainës, financiarisht dhe ushtarakisht”.
