Presidenti ukrainas Volodymyr Zelensky dënoi sot sulmin ajror të Iranit ndaj Izraelit. “Ne në Ukrainë e dimë shumë mirë tmerrin e sulmeve të ngjashme nga Rusia, e cila përdor të njëjtat drone ‘Shahed’ dhe raketa ruse, të njëjtat taktika të sulmeve ajrore masive”, tha Zelensky në një postim në X, e njohur më parë si Twitter. “Duhet bërë çdo përpjekje për të shmangur përshkallëzimin e mëtejshëm në Lindjen e Mesme”, shtoi ai.
“Irani është një kërcënim për Lindjen e Mesme, ashtu si Rusia kërcënon një konflikt më të madh”, tha Zelensky. “Bashkëpunimi i dukshëm midis dy regjimeve në përhapjen e terrorit duhet të përballet me një përgjigje të vendosur dhe të bashkuar nga bota”, tha ai. Ai tha se është kritike që Kongresi i SHBA-së të marrë vendimet e nevojshme për të forcuar aleatët në këtë kohë kritike.
Forcat e Moskës kryejnë sulme ajrore në Ukrainë pothuajse çdo natë duke përdorur dhjetëra dronë luftarakë iranianë Shahed, disa prej të cilëve furnizohen nga Irani, ndërsa Rusia prodhon të tjerë. Ukraina nuk ka armë të mjaftueshme për të shmangur sulmet, pjesërisht për shkak se furnizimet e reja po bllokohen nga një mosmarrëveshje e brendshme politike në SHBA
