Presidenti ukrainas, Volodymyr Zelensky ka bërë një thirrje për më shumë armë, përtej tankeve që aleatët e tij tani premtojnë të furnizojnë. “Agresioni rus mund të ndalet vetëm me armët e duhura. Shteti terrorist nuk kupton ndryshe”, tha ai në fjalimin e tij video të mbrëmjes duke treguar valën e fundit të sulmeve. “Çdo raketë ruse kundër qyteteve tona, çdo dron iranian i përdorur nga terroristët është një argument për më shumë armë”, theksoi ai. Ai falënderoi Kanadanë për angazhimin e fundit për dërgimin e tankeve duke thënë se 12 vende janë pjesë e asaj që ai e përshkroi si një “koalicion tankesh”. ATSH
- Advertisment -