Ambasada e Italisë në Shqipëri në bashkëpunim me Institutin Italian të Kulturës dhe bashkinë e Shkodrës sollën edicionin e tretë të festivalit “Zecchino d’Oro”.
Ky aktivitet u organizua në kuadër të edicionit XXIII të Javës së Gjuhës Italiane.
Këtë vit, fëmijët interpretuan në 5 skena në qytetet e Shqipërisë: Durrës, Shkodër, Tiranë, Berat dhe Korçë.
Protagonistë ishin nxënësit e shkollave 9-vjeçare të moshës 6 deri në 12 vjeç të shkollave të përfshira në Memorandumin e Ilirisë, ku gjuhë e parë e huaj studiohet italishtja.
Ky aktivitet i rëndësishëm bashkon kulturat dhe të rinjtë në një festë të muzikës dhe gjuhës italiane.
