Zbulojnë 30 specie të reja

Shkencëtarët kanë gjetur më shumë se 30 specie potencialisht të reja që jetojnë në fund të detit. Studiuesit nga Muzeu i Historisë Natyrore në Mbretërinë e Bashkuar përdorën një robot të drejtuar nga distanca për të mbledhur ekzemplarë nga rrafshnaltat e humnerës të Zonës Clarion-Clipperton në Paqësorin qendror. Më parë, krijesat nga kjo zonë ishin studiuar vetëm nga fotografitë. Studimi, i publikuar në revistën “Zookeys” , zbuloi se ekziston një larmi e lartë speciesh e organizmave më të mëdhenj. Nga 55 ekzemplarë të gjetur, 48 ishin të llojeve të ndryshme. Kafshët e gjetura përfshijnë krimba të segmentuar, jovertebrorë nga e njëjta familje si centipedët, kafshë detare nga e njëjta familje si kandil deti dhe lloje të ndryshme koralesh. Tridhjetë e gjashtë ekzemplarë u gjetën në më shumë se 4,800 metra thellësi, dy u mblodhën në një shpat mali detar në 4,125 metra dhe 17 u gjetën në thellësi midis 3,095 dhe 3,562 metra. Gjetjet kanë implikime potencialisht të rëndësishme për “minierat” në det të thellë. Autori kryesor i studimit, Dr Guadalupe Bribiesca-Contreras, i Muzeut të Historisë Natyrore, tha: “Ky hulumtim është i rëndësishëm jo vetëm për shkak të numrit të specieve potencialisht të reja të zbuluara, por sepse këto ekzemplarë megafauna më parë janë studiuar vetëm nga imazhet e shtratit të detit. Pa ekzemplarët dhe të dhënat e ADN-së që ata mbajnë, ne nuk mund t’i identifikojmë siç duhet kafshët dhe të kuptojmë se sa lloje të ndryshme ka”.