Zbulohet misteri i “topit misterioz”

Misteri që orët e fundit kishte intriguar të gjithë Japoninë dhe më gjerë është zbardhur. Sfera e madhe metalike e gjetur pak ditë më parë në plazhin Enshu, në qytetin Hamamatsu, është thjesht një sferë vozitëse, shkruan faqja today.it. Hipotezat e çuditshme që flisnin për një objekt të paidentifikuar dhe po ashtu frika e policëve që i ishin afruar objektit vetëm pasi kishin verifikuar se nuk mund të shpërthente dhe se sfera ishte e zbrazët brenda ka rënë. Policia filloi të inspektojë topin, një ngjyrë portokalli-kafe me ato që duken të jenë njolla më të errëta ndryshku, pasi një grua vendase e pa atë të shtrirë në rërë pak metra larg bregut. Zona është rrethuar: fotografitë i janë dërguar Forcave të Vetëmbrojtjes së Japonisë dhe Rojës Bregdetare për ekzaminim të mëtejshëm. Një vendas, i cili zakonisht bën vrap në plazh, tha se nuk e kupton pse topi është bërë papritur në qendër të vëmendjes: “Ka një muaj që është atje. Jam përpjekur ta shtyj, por nuk lëviz”. Më në fund, prania e dy dorezave të ngritura në sipërfaqen e sferës me diametër rreth një metër e gjysmë, çoi në shpjegimin më prozaik: domethënë se ishte një objekt vozitës që thjesht ishte liruar dhe kishte përfunduar në rërë. atsh