Pas 30 vjetësh Instituti Kombëtar i Trashëgimisë Kulturore dhe Fakulteti i Histori-Filologjisë rikthyen gërmimet arkeologjike në Belsh. Në kuadër të “Ditëve të Trashëgimisë”, ministrja e Kulturës, Elva Margariti, e ka risjellë në vëmendje këtë fakt, nëpërmjet një postimi online, ku shkruan se po dalin në dritë rezultate mbresëlënëse të një terme të periudhës romake. Ky zbulim i veçantë do të jetë një vlerë e shtuar për zonën e Belshit, duke sjellë njohuri më të thelluara të shtresave të historisë, e gjithashtu, duke e pasuruar zonën me një vendbanim të ri arkeologjik. Objekti i zbuluar mendohet të jetë pjesë e një kompleksi rural i tipit “Villa Rustica”, e datuar mes shek. III-IV pas Krishtit. Restauratorët e Institutit po punojnë për projektin e konservimit dhe restaurimit të monumentit, me qëllim kthimin e tij të vizitueshëm. Vetëm 3 km larg qytetit të Belshit në fshatin Rrasë ky vendbanim në të cilin veç rrënojave të një ndërtese romake termë, e shekullit të dytë ka dhe praninë e eshtrave të lashta. Këto eshtra faktojnë se në këtë zonë ka pasur jetesë të hershme dhe qytetërim. Terma e shekullit të dytë, është një vendpushim e banim i karvaneve të kohës dhe të tilla deri më tani në Shqipëri janë identifikuar në Butrint dhe Dyrrah.https://ata.gov.al/2022/09/21/zbulimi-i-termes-romake-ne-belsh-pasuron-zonen-me-vendbanim-te-ri-arkeologjik/
- Advertisment -