Në Sallën e Madhe të Popullit në Pekin po zhvillohet takimi dypalësh mes presidentit kinez Xi Jinping dhe atij rus Vladimir Putin.
”Dy vendet tona kanë thelluar besimin e ndërsjellë politik dhe kanë mbajtur një koordinim strategjik të ngushtë dhe efektiv”, citohet të ketë thënë Xi.
”Vëllimi ynë i tregtisë dypalëshe ka arritur një nivel rekord dhe po i afrohet objektivit prej 200 miliardë dollarësh”, theksoi ai.
Në raundet hapëse të takimit të tyre dypalësh, Xi mirëpriti përpjekjet për koordinim strategjik të ngushtë dhe efektiv midis dy vendeve.
”Rusia dhe Kina, si shumica e vendeve, ndajnë dëshirën për bashkëpunim të barabartë në botë”, theksoi Putin.
Udhëheqësi i Kremlinit kaloi pjesën më të madhe të fjalimit të tij duke lavdëruar Kinën dhe suksesin e saj.
”Kur ne fillojmë diçka të madhe, ne presim që ajo të ketë sukses, por duke marrë parasysh shkallën globale, është e vështirë të presësh që gjithçka të shkojë mirë. Miqtë tanë kinezë e kanë bërë këtë”, shtoi ai.
