WMO: Kërcënimi i El Ninjos mundëson rekordet globale të nxehtësisë

Të dhënat befasuese për shkak të ndryshimeve klimatike e kanë bërë krizën e planetit më të qartë se kurrë vitin e kaluar, tha Organizata Botërore Meteorologjike (WMO) në raportin e saj të gjendjes mbi klimën globale. ”Fenomeni i motit El Ninjo gjithashtu nuk premton për mirë”, tha në Gjenevë sekretari i përgjithshëm i WMO, Petteri Taalas. Për shkak se El Ninjo ka një efekt ngrohjeje, sipas studiuesve gjermanë, së shpejti mund të vendoset një rekord global i temperaturës. ”El Ninjo që ka të ngjarë të zhvillohet gjatë këtij viti dhe para së gjithash rrit probabilitetin që 2023 dhe 2024 të vendosin ose tejkalojnë vlerën e mëparshme rekorde të vitit 2016 për sa i përket temperaturës mesatare globale”, tha Andreas Fink nga Instituti gjerman i Teknologjisë (KIT). Karsten Haustein nga Instituti i Meteorologjisë në Universitetin e Lajpcigut madje e konsideron të imagjinueshme që viti 2024 “do të kalojë gjithashtu kufirin 1,5 gradë Celsius globalisht për herë të parë në baza vjetore”. Vendet e botës duan të parandalojnë ngrohjen nga tejkalimi i 1,5 gradë Celsius, që është ajo që përfshihet në Marrëveshjen e Parisit për Klimën, por përpjekjet e bëra deri tani nuk janë të mjaftueshme. atsh