Mbështetja për Ukrainën është një nga vijat e kuqe të presidentes së Komisionit Evropian, Ursula von der Leyen për të bashkëpunuar me politikanët në të djathtë pas zgjedhjeve të Parlamentit Evropian të 6-9 qershorit, sipas deklaratës së kësaj të fundit në një debat televiziv. Von der Leyen kishte lënë të kuptohej në debatet e mëparshme se ajo mund të ishte e gatshme të punonte me grupet parlamentare në të djathtë të Partisë së saj Popullore Evropiane të qendrës së djathtë. ”Mbështetja për BE-në, Ukrainën dhe sundimin e ligjit janë kushte për bashkëpunim në të ardhmen”, deklaroi von der Leyen në debatin përfundimtar mes kandidatëve kryesorë të grupeve politike në Parlamentin Evropian në Bruksel. Von der Leyen tha se do të punonte me politikanë që plotësojnë tre kritere: i pari është pro Evropës, i dyti është pro ukrainas – domethënë anti Putin – dhe i treti është në të vërtetë pro shtetit të së drejtës”
