Java e sotme ka nisur me diell, por me temperatura shumë gradë nën zero.
Metereologu nga Meteoalb, Hakil Osmani, në një lidhje me skype për “Ora News” u shpreh se në zonat e thella malore temperaturat kanë zbritur në minus 4 gradë celsius.“Dita e sotme do të jetë me diell. Termometri ka zbritur në ,minus 4 gradë në zonat e thella malore, ndërsa në brendësi në zero gradë. Mjaft ftohtë dhe diell. Temperaturat do të jenë nga minus 4 deri në 6 gradë në veri. Në pjesën e dytë të ditës kemi shtim të vranësirave. Termometri nuk ndryshon; maksimumi deri në 15 gradë celsius në rang territori nga nesër do të ketë rritje graduale të temperaturave”, tha metereologu Hakil Osmani.
Sipas Osmanit, moti me diell do të vijojë deri të enjten, pasi nga premtja pritet të rikthehen reshjet e shiut dhe borës.Ndërkohë moti shumë i ftohtë ka përfshirë edhe rajonin ku termometri ka zbritur afër minus 10 gradë celsius.