Ushtria izraelite vret 3 anëtarë të lartë të Hamas

Tre anëtarë të organizatës militante palestineze Hamas u vranë gjatë një operacioni ushtarak izraelit në qytetin Nablus të Bregut Perëndimor, sipas shërbimeve sekrete izraelite. Hamasi, i cili qeveris Rripin e Gazës, konfirmoi se tre nga anëtarët e tij u vranë në sulm duke thënë se ”ishte përgjegjës për një sulm muajin e kaluar në të cilin u vranë tre britanikë izraelitë”. Në një deklaratë, Hamasi i quajti burrat “heronj të rezistencës” dhe tha se ”do t’i përgjigjet atentatit kriminal dhe do të hakmerrej për gjakun e martirëve”. Televizioni palestinez raportoi se forcat izraelite të sigurisë ishin veshur si arabe kur hynë në qytet. Më pas, dhjetëra automjete ushtarake izraelite kanë mbërritur si përforcime. atsh