Ushtria amerikane kreu sulme në Sirinë Lindore kundër objektivave të lidhur me Korpusin e Gardës Revolucionare Islamike iraniane (IRGC) pasi një sulm me dron në vendin e shkatërruar nga lufta vrau një kontraktor amerikan dhe plagosi gjashtë të tjerë, deklaroi Pentagoni. Departamenti Amerikan i Mbrojtjes theksoi se droni goditi një objekt mirëmbajtjeje në një bazë të koalicionit pranë al-Hasakah në verilindje të Sirisë rreth orës 13:40 (10:40 GMT), duke vrarë një kontraktor amerikan dhe duke plagosur një tjetër kontraktor amerikan, si dhe pesë anëtarë të shërbimit amerikan. Sekretari i Mbrojtjes i SHBA, Lloyd Austin tha se ai autorizoi sulmet ajrore precize të Komandës Qendrore të SHBA (CENTCOM) mbi objektet e përdorura nga grupet e lidhura me IRGC në urdhërin e presidentit amerikan Joe Biden. “Asnjë grup nuk do të godasë trupat tona pa u ndëshkuar”, shtoi Austin. Forcat amerikane u vendosën në Siri në vitin 2015 për të ndihmuar kurdët sirianë dhe aleatët e tjerë të tyre në luftimin e milicisë terroriste të Shtetit Islamik. atsh
- Advertisment -