Ushtria amerikane eliminon liderin e ISIS-it në Somali

Uashingtoni zyrtar deklaroi se ushtria amerikane kishte vrarë Bilal-al-Sudanin, udhëheqës i grupit terrorist të Shtetit Islamik (ISIS) në Somali dhe i konsideruar lider për rrjetin global të grupit. Sekretari amerikan i Mbrojtjes, Lloyd Austin deklaroi se ushtria amerikane kreu “një operacion sulmi në Somalinë Veriore që rezultoi në vdekjen e një numri anëtarësh të ISIS, përfshirë al-Sudanin”. ”Al-Sudani ishte përgjegjës për promovimin e pranisë në rritje të ISIS-it në Afrikë dhe financimin e operacioneve të grupit në mbarë botën, përfshirë Afganistanin”, theksoi Austin në një deklaratë. Një zyrtar i lartë i Shtëpisë së Bardhë u tha gazetarëve se qëllimi i operacionit, i kryer me urdhër të presidentit amerikan Joe Biden, ishte kapja e al-Sudanit. ”Përveç Sudanit, në operacion u vranë rreth 10 anëtarë sudanezë të ISIS”, deklaroi Shtëpia e Bardhë. ATSH