Ura e Leshnicës së Poshtme kthehet plotësisht funksionale

Kanë përfunduar punimet e mirëmbajtjes, restaurimit e konsolidimit, në monumentin e kulturës së kategorisë së parë “Ura e Leshnicës së Poshtme”, pjesë e paketës së mirëmbajtjes të Drejtorisë Rajonale të Trashëgimisë Kulturore Vlorë, për vitin 2022. Punimet e mirëmbajtjes, restaurimit, konsolidimit, kryesisht konsistuan në pastrim nga bimësia e ulët dhe injektim solucioni për tharjen e tyre, konsolidim i çarjeve në trupin e urës, konsolidim i muraturës së urës nëpërmjet plotësimit të fugave, vendosje gabionash për mbrojtjen e shpatullave të urës nga rryma e lumit si dhe restaurim i kalldrëmit të urës. Tashmë Ura e Leshnicës së Poshtme është plotësisht funksionale dhe një vlerë e shtuar ndër atraksionet kulturore në bashkinë Finiq.http://ata.gov.al/2022/11/02/ura-e-leshnices-se-poshtme-kthehet-plotesisht-funksionale/