UASHINGTON: Në tetor samit SHBA-BE

Presidentja e Komisionit Evropian Ursula von der Leyen dhe Presidenti i Këshillit Evropian Charles Michel do të udhëtojnë në Uashington në tetor për një samit BE-SHBA. ”Presidenti amerikan Joe Biden mezi pret të mirëpresë dy zyrtarët e lartë evropianë në Shtëpinë e Bardhë më 20 tetor”, njoftoi Shtëpia e Bardhë. ”Takimi do të fokusohet në bashkëpunimin e ngushtë midis Shteteve të Bashkuara dhe BE-së, përfshirë angazhimin tonë të përbashkët për të mbështetur Ukrainën ndërsa mbron sovranitetin e saj dhe për t’i imponuar Rusisë kosto për agresionin e saj”, thuhet në deklaratë. Për më tepër, përpjekjet e SHBA-së dhe BE-së për të përshpejtuar ekonominë globale të energjisë së pastër duhet të vazhdojnë. Sipas deklaratës, bashkëpunimi për teknologjitë kritike dhe ato në zhvillim, përfshirë infrastrukturën dixhitale dhe inteligjencën artificiale, është gjithashtu në axhendë.