Twitter prezanton versionin që ju lejon të postoni artikuj

Twitter po punon për një veçori që do të lejonte publikimin e artikujve në platformë “shumë të gjatë dhe kompleks me media të ndryshme, madje mund të publikoni një libër”, shkruan pronari Elon Musk. Veçoria do të zgjeronte më tej mënyrat se si mund të shkruani në platformë, e cila ka lëvizur shumë përtej rrënjëve të saj të mikroblogut. Tashmë, përdoruesit e Twitter që abonohen në shërbimin Blue mund të postojnë tweet me 10 000 karaktere, shumë më tepër se kufiri prej 280 karakteresh i vendosur për jo-abonentët. Sa herë që hapet veçoria ”Artikuj”, do të lejojë publikimin e postimeve edhe më të gjata. Në postimin e tij në Twitter, megjithatë, Musk nuk bëri të ditur se kur do të jetë i disponueshëm. Funksioni shton përpjekjet e platformës për të mbledhur ndjekës pas lançimit nga Meta të Threads, rrjeti social vetëm me tekst që i ngjan Twitter-it. Musk së fundmi bëri të mundur ndarjen e të ardhurave nga reklamat me krijuesit e përmbajtjes. atsh