Tuneli i Llogorasë është hapur zyrtarisht për qarkullimin e automjeteve, duke shkurtuar distancën drejt bregdetit të jugut dhe duke mbështetur sezonin turistik.
Kalimi në tunel do të jetë pa pagesë deri më 15 shtator, në kuadër të masave për promovimin e industrisë së turizmit.
Në tunel është e ndaluar kalimi i mjeteve me tonazh të rëndë.
Me një gjatësi prej 6 kilometrash, tuneli i Llogorasë përbëhet nga dy tuba, tubi kryesor dhe tuneli i emergjencës, të lidhur me 11 dalje.
Ky tunel jo vetëm lehtëson qarkullimin, por gjithashtu redukton ndjeshëm kohën e udhëtimit nga Dukati në Palasë, duke e shkurtuar nga rreth 30 minuta në vetëm 7 minuta.
