Ushtria ukrainase ka raportuar se ka avancuar në kundërofensivën e saj në jug të Ukrainës që filloi në fund të gushtit. Një raport i shtabit të përgjithshëm raportoi sot se Rusia ishte e detyruar të kryente sulme ajrore dhe artilerie në disa lokacione të kontestuara në rajonin e Khersonit që më parë ishin nën kontrollin e Rusisë. Në median ruse u raportua se ushtria ukrainase kishte nisur dje një operacion në Kharkiv që shtrihej në një zonë prej rreth 20 deri në 30 kilometra. Njësitë ruse në këtë shtrirje u vunë nën presion të konsiderueshëm, ku disa njësi ishin në rrezik të rrethimit. Më shumë se 20% e territorit të Ukrainës, duke përfshirë gadishullin e Krimesë të aneksuar në vitin 2014, është nën kontrollin rus. http://ata.gov.al/2022/09/07/kiev-trupat-ukrainase-avancojne-ne-kunderofensiven-ne-jug-dhe-lindje/
- Advertisment -