Ish-presidenti amerikan, Donald Trump ka paraqitur një mocion duke kërkuar imunitet presidencial në çështjen e Xhorxhias, në të cilën ai akuzohet për përpjekje për të përmbysur rezultatet e zgjedhjeve të vitit 2020. Në dokumentacion, avokatët e Trump argumentojnë se klienti i tyre duhet të mbrohet nga imuniteti presidencial sepse ai veproi në cilësinë e tij presidenciale kur kundërshtoi votat elektorale të Joe Biden. ”Të komunikosh me zyrtarët shtetërorë për administrimin e zgjedhjeve federale dhe të kërkosh që ata të kryejnë përgjegjësitë e tyre zyrtare në lidhje me zgjedhjet janë përgjegjësi presidenciale”, thanë avokatët e Trump. ”Nga viti 1979 deri në vitin 2023, asnjë president nuk është ndjekur penalisht për veprimet e kryera”, nënvizojnë ata.
