Delegacioni i Teatrit Kombëtar të Operës dhe Baletit ishte pjesë e “Forumit për Burimet Njerëzore”, në “Teatro alla Scala” të Milanos, si pjesë e një entiteti evropian siç është Opera Europa. Ky forum shërbeu si një mundësi tepër e mirë për të ndarë mendime mes kolegësh nga teatro të ndryshëm të Evropës dhe për të shkëmbyer ide e eksperienca unike rreth menaxhimit të atyre që qëndrojnë në prapavijë të teatrit. Pjesë e delegacionit ishte drejtoresha e TKOBAP, Abigeila Voshtina. Të tilla organizime ndihmojnë në rritjen artistike të vendit, duke zhvilluar një perspektivë më të gjerë dhe mësuar nga praktikat më të mira në fushën e artit. atsh
- Advertisment -