“Tirana” ka nxjerr në shitje biletat për sfidën e parë të Ligës së Konferencave, që do të luhet në 13 Korrik në Tiranë, përballë “Dinamos së Batumit”. Skuadra bardheblu përmes rrjeteve sociale, ka njoftuar tifozët se prej 1 korrikut janë të disponueshme në treg, online: https://al.ebileta.al/biglietteria/listaEventiPub.do, ose në bileterinë e stadiumit ‘Selman Stermasi” biletat për sfidën që do të çeli sezonin e ri të skuadrës nënkampione të Shqipërisë. Çmimet e biletave variojnë nga 500-4000 lekë. Tribuna VIP është më e shtrenjta dhe kushton 4 mijë lekë, teksa edhe ajo kryesore kushton 3 mijë lekë. Tribuna E, ose thënë ndryshe “karshia” vlen 1500 lekë bileta, teksa pas porte 500 lekë. Duhet theksuar se këto çmime janë të ngjashme me çmimet e ndeshjeve derbi të luajtura nga “Tirana”, që është dhe ndeshja më e shumë pritur e kampionatit shqiptarë. Synimi është prania e sa më shumë tifozëve në shkallët e stadiumit “Air Albania” mbrëmjen e 13 Korrikut, në sfidën e parashikuar të nisi në ora 20:00’. atsh
