Një test gjaku mund të përcaktojë me 90 për qind saktësi nëse një person është në rrezik për të zhvilluar sëmundjen e Parkinsonit. Këtë kanë zbuluar studiuesit në Universitetin e Oksfordit.
Parkinsoni është një nga çrregullimet neurodegjenerative më të zakonshme. Në Evropë, vlerësohet se midis 1 dhe 2 % e njerëzve mbi moshën 65 vjeç jetojnë me këtë sëmundje.
Simptomat fizike të Parkinsonit përfshijnë, lëvizje të ngadalta, muskuj të ngurtë dhe dridhje. Ekziston edhe një ndikim psikologjik, me personat që kanë këtë gjendje që gjithashtu përjetojnë depresion, ankth dhe demencë. Këto simptoma përkeqësohen me kalimin e kohës.
Diagnostifikimi i Parkinsonit mund të jetë sfidues për shkak se sa të zakonshme mund të jenë simptomat. Por testi i gjakut i zhvilluar nga ekipi i Universitetit të Oksfordit mund të ndihmojë në përshpejtimin e procesit.
Ekipi përdori një version të përmirësuar të një testi antitrupash për të matur nivelet e alfa-sinukleinës, e njohur si një proteinë e vogël që lidhet me sëmundjen e Parkinsonit, në gjak.
Sëmundja e Parkinsonit fillon të përhapet më shumë se një dekadë përpara shfaqjes së simptomave dhe kjo pasi qelizat e trurit luftojnë për të menaxhuar ndikimin e alfa-sinukleinës.
Këto proteina ndërtohen dhe përfundojnë në grupe anormale të cilat dëmtojnë qelizat nervore të ndjeshme, duke shkaktuar ç’rregullimin e njohur të lëvizjes dhe shpesh duke çuar në demencë.
Sëmundja e Parkinsonit është një sëmundje që ul cilësinë e jetës me pasojat e saj. Edhe pse ka pak gjasa që të ndodhë, është ndër kushtet që përparojnë dhe nuk përmirësohen pa trajtim.
