Një breshkë e helmuar nga monoksidi i karbonit, në zjarrin që shpërtheu në qytetin turistik jugperëndimor të Turqisë, Marmaris, u rikthye në jetë përmes terapisë me oksigjen. ”Një ekip prej nëntë personash, përfshirë katër veterinerë si dhe automjetet dhe ambulancat speciale veterinare ofruan shërbime në rajon”, sipas një deklarate nga autoritetet e qeverisjes lokale. Duke punuar në koordinim me anëtarët e Autoritetit të Menaxhimit të Fatkeqësive dhe Emergjencave (AFAD), Shoqatës së Kërkimit dhe Shpëtimit të Kafshëve dhe Departamentit të Mbrojtjes dhe Kontrollit të Mjedisit në zonat e djegura, ekipi gjeti në pyll një breshkë që nuk reagonte. U konstatua se breshka, e cila u trajtua në klinikën mobile ”Vetbus”, vuante nga helmimi me monoksid karboni. Breshka do të lëshohet në mjedisin e saj natyror pasi të jetë shëruar plotësisht. Ministria e Bujqësisë dhe Pylltarisë tha të shtunën se zjarri që shpërtheu gjatë kësaj jave në Marmaris është vënë nën kontroll
https://ata.gov.al/2022/06/27/terapi-me-oksigjen-edhe-per-nje-breshke/
