Të mërkurën mbahet ceremonia e nënshkrimit të aplikimit në BE

Të mërkurën do të mbahet ceremonia e nënshkrimit të aplikimit për anëtarësim të Kosovës në Bashkim Evropian. Presidenca e Kosovës ka bërë të ditur se ceremonia do të mbahet në ora 11:00, ndërsa do të nënshkruhet aplikimi nga presidentja Vjosa Osmani, kryeministri i Kosovës, Albin Kurti dhe kryetari i Kuvendit, Glauk Konjufca. Po ashtu është thënë se pas takimit do të ketë konferencë për media. “Nesër (14.12.2022), në orën 11:00 do të mbahet ceremonia e nënshkrimit të aplikimit për anëtarësim në Bashkimin Evropian nga Presidentja e Republikës së Kosovës, Vjosa Osmani Sadriu, Kryetari i Kuvendit, Glauk Konjufca dhe Kryeministri, Albin Kurti. Pas ceremonisë së nënshkrimit, Presidentja Osmani, kryetari i Kuvendit Konjufca dhe Kryeministri Kurti do të kenë deklaratë për media”, thuhet në njoftim.https://ata.gov.al/2022/12/13/te-merkuren-mbahet-ceremonia-e-nenshkrimit-te-aplikimit-per-anetaresim-ne-be/