Të ardhurat nga taksat kombëtare 20.8 miliardë lekë

Të ardhurat nga taksat kombëtare për periudhën janar-korrik të këtij viti u realizuan në masën 20.8 miliardë lekë. Sipas raportit mbi treguesit fiskalë, të publikuar së fundmi nga Ministria e Financave dhe Ekonomisë, këto të ardhura rezultojnë 13.3 % më pak se në të njëjtën periudhë të vitit 2022. Po ashtu, ato ishin edhe 4.7 miliardë lekë, ose 18.5 % më pak se plani për 7-mujorin.