Një stuhi e quajtur ”Zoltan” po përfshin Gjermaninë Veriore duke sjellë erëra të forta, shi të dendur dhe deri në tre metra dëborë. Agjencia Detare dhe Hidrografike gjermane (BSH) parashikoi një stuhi të fortë për bregun gjerman të Detit të Veriut dhe Hamburg për sot në mëngjes. Në zonën e Hamburg Elbës, policia paralajmëroi për një stuhi të fortë në mëngjes. Sipas BSH, nivelet e ujit më pas do të rriten në rreth tre metra mbi baticën mesatare. Policia bëri thirrje që zona e prekur të shmanget. Pika e lartë e ujit pritet rreth orës 11:00 (10:00 GMT), me një lartësi deri në 3,05 metra mbi ujërat mesatare. Ekspertët nga BSH parashikuan gjithashtu valë të forta stuhie për bregun e Frizianës Lindore dhe rajonin Weser. Baticat e larta atje pritet të jenë 2,5 metra deri në tre metra mbi nivelin mesatar në mëngjes dhe në mesditë. Operatori hekurudhor gjerman ”Deutsche Bahn” po pret gjithashtu kufizime të mëtejshme në transportin e pasagjerëve. ”Zoltan” filloi të godasë pjesë të Gjermanisë Veriperëndimore dje në mbrëmje. Hekurudha kombëtare ”Deutsche Bahn” anuloi trena të shumtë pasi erërat rrëzuan pemët. “Në disa raste, dëmi mund të vlerësohet përfundimisht vetëm në dritën e ditës”, tha një zëdhënës i hekurudhave. E njëjta stuhi u ndje edhe në vende të tjera, përfshirë Britaninë e Madhe dhe Danimarkën
