Për shkak të fluksit në rritje në prag të festave të fundvitit në të gjitha pikat e kalimit kufitar strukturat doganore do të funksionojnë pa ndërprerje. Drejtori i Përgjithshëm i Doganës, Genti Gazheli, zhvilloi një takim me të gjithë kryetarët e degëve doganore të vendit, ku u njoh nga afër me punën dhe problematikat e këtyre degëve. “Duke qenë se tashmë fluksi i hyrjeve në çdo pikë të kalimit kufitar është rritur për festat e fundvitit të gjitha strukturat doganore do të vijojnë të funksionojnë 24 orë në 7 ditë”, deklaroi Gazheli. Gazheli kërkoi përkushtim dhe angazhim të shtuar në realizimin e mbledhjes së të ardhurave, cilësinë e shërbimeve ndaj operatorëve ekonomikë dhe përmirësim të perfomancës të çdo punonjësi të Administratës Doganore.
