NATO ka reaguar, lidhur me referendumet që po kryhen në disa pjesë të Ukrainës të pushtuara nga Rusia. Shefi i NATO-s, Jens Stoltenberg, nëpërmjet një postimi në Twitter, deklaron se referendumet e mbajtura nga Rusia nuk kanë legjitimitet, si dhe janë në shkelje të hapur të ligjit ndërkombëtar. Ai gjithashtu se aleatët e NATO-s janë të palëkundur në mbështetje të sovranitetit dhe mbrojtjes së Ukrainës. “Sapo fola me Presidentin Zelenskyy, dhe i bëra të qartë se Aleatët e NATO-s janë të palëkundur në mbështetjen e tyre për sovranitetin dhe të drejtën e Ukrainës për vetëmbrojtje. Referendumet e rreme të mbajtura nga Rusia nuk kanë legjitimitet dhe janë në shkelje të hapur të ligjit ndërkombëtar. Ato toka janë të Ukrainës”- shkruan Stoltenberg.https://lajme.rtsh.al/artikull/nato-stoltenberg-referendumet-e-mbajtura-nga-rusia-nuk-kane-legjitimitet-ato-toka-jane-te-ukraines
- Advertisment -