Vetitë e dobishme të specave djegës janë vërtetuar prej kohësh nga studime të ndryshme shkencore. Një studim tjetër mbi virtytet e shëndetshme të kësaj erëze siguron se ata që e konsumojnë kanë 25% më pak gjasa të vdesin sesa ata që nuk e konsumojnë, ky është përfundimi i një studimi të paraqitur nga Shoqata Amerikane e Zemrës për të cilin një grup shkencëtarësh shqyrtuan 4,729 studime që përmbajnë të dhëna për shëndetin dhe dietën e më shumë se 570,000 njerëzve që jetojnë në Shtetet e Bashkuara, Itali, Kinë dhe Iran. Krahasuar me njerëzit që rrallë ose kurrë nuk kanë ngrënë spec djegës, ata që e konsumonin kishin 26% më pak gjasa të vdisnin nga sëmundjet kardiovaskulare, 23% më pak gjasa për të vdekur nga kanceri dhe 25% më pak gjasa të vdisnin nga të gjitha shkaqet. Autorët e studimit paralajmërojnë se “duhen më shumë kërkime për të konfirmuar këto gjetje paraprake”. Disa studime të mëparshme kanë zbuluar se ngrënia e specave djegës ka një efekt anti-inflamator, antioksidant, antikancerogjen dhe rregullues të glukozës në gjak falë kapsaicinës, por jo të gjithë mund të hanë spec djegës, sipas kimistit amerikan Wilbur Lincoln Scoville, i cili shpiku një test organoleptik për të matur nxehtësinë e specave djegës. Një studim francez i disa viteve më parë arriti në përfundimin se burrat që pëlqejnë ushqimet pikante mund të kenë nivele më të larta të testosteronit dhe për këtë arsye të jenë tipa veçanërisht mashkullorë. Speci djegës është ndër ushqimet që konsiderohet si një afrodiziakë. RTSH
