Skenderaj hap Fondin Emergjent për Vërshimet

Është zyrtarizuar Fondi Emergjent për Vërshimet për Skenderajn. Kështu ka njoftuar kryetari i kësaj komune, Fadil Nura. “Pas zyrtarizimit të procedurave për Fondin Emergjent për Vërshimet, me krijimin e xhirollogarisë bankare, u bëj thirrje të gjithë njerëzve vullnetmirë, përfaqësuesve të bizneseve të mëdha e të mesme, bamirësve dhe të gjithë të tjerëve që kanë një mundësi të vogël, të na ndihmoni në rindërtimin e zonave të shkatërruara, rimëkëmbjen e familjeve të prekura nga kjo fatkeqësi dhe kthimin e jetës normale”, ka njoftuar Nura. Paralelisht me njoftimin, ai ka publikuare dhe formularin që duhet plotësuar për dhënien e ndihmës nga ana e të gjithë atyre që duan të kontribuojnë që Skenderaj të rimëkëmbët. RTK