Skema Kombëtare, 43% e fondit për naftën pa taksa

Mbështetja financiare për fermerët përmes Skemave Kombëtare gjatë vitit 2022 arriti në afro 5.1 miliardë lekë Sipas të dhënave nga Ministria e Bujqësisë dhe Zhvillimit Rural, 43 % e fondit ka shkuar për mbështetjen e fermerëve me naftë falas për punime të mekanizuara në bujqësi, ku numri total i përfitueseve arriti në 34.731 fermerë. Blegtoria renditet e dyta për mbështetjen më të lartë financiare. Statistikat tregojnë se 33 % e fondit është adresuar për blegtorët, më një numër total prej 5981 përfituesish. Më pas renditet kultivimi i grurit, fushatë e cila edhe pse u ndërmor në muajin tetor, mori 11 % të fondeve, ku u shpallën fitues 4200 fermerë. Bletaria u mbështet me 7 % të fondeve, për farat dhe fidanët shkoi 4 % dhe sektori i bimëve mjekësore mori 2 % të totalit të financimit në bujqësi. RTSH