Këshilli i Ministrave miratoi sot shpronësimin për interes publik të pronarëve të pasurive të paluajtshme që preken nga projekti “Sistemimi i hapësirave publike dhe parkim, lagjja e re, blloku pas ish-bashkisë Patos”. Sipas këtij vendimi, pronarët e pasurive të paluajtshme kompensohen me një vlerë të përgjithshme prej 3 490 235.1 lekësh, e cila përballohet nga bashkia Patos. Pronarët kompensohen pasi të kenë paraqitur dokumentacionin justifikues për likuidim pranë Bashkisë Patos, ndërsa kjo e fundit kryen procedurat për likuidimin e tyre. Agjencia Shtetërore e Kadastrës pezullon të gjitha transaksionet me pasuritë e shpronësuara deri në momentin e realizimit të procesit të hedhjes së gjurmës së projektit mbi hartën kadastrale të regjistrimit dhe regjistrimit të aktit të kalimit të pronësisë në favor të Bashkisë Patos për pasuritë e shpronësuara. Brenda 30 ditëve nga data e miratimit të këtij vendimi nisin procedurat për hedhjen e gjurmës së projektit mbi hartën kadastrale, sipas planimetrisë së shpronësimit të miratuar, dhe regjistron aktin e kalimit të pronësisë për pasuritë e shpronësuara në favor të bashkisë Patos.http://ata.gov.al/2022/09/07/sistemimi-i-hapesirave-publike-ne-patos-3-4-milione-leke-per-shpronesimet/
- Advertisment -