Siguria ushqimore, procedurat e kontrolleve sipas praktikave të BE-së

Eksperti Ndërkombëtar Jellen Goossesns, nga Projekti për Siguri Ushqimore, i shoqëruar nga inspektorë të Autoritetit Kombëtar të Ushqimit, ka kryer vizita në stabilimente prodhimi, përpunimi dhe tregtimi të produkteve me origjinë shtazore, përkatesisht në stabilimente përpunimi dhe prodhimi mishi, thertore dhe stabilimente përpunimi dhe prodhim qumështi. Qëllimi i këtyre vizitave ndihmon në përgatitjen e një informacioni më të zgjeruar për trajnimin e inspektorëve të AKU-së, mbi vlerësimin dhe kategorizimin e stabilimenteve ushqimore në përputhje me kërkesat e BE-së. Gjatë vizitave në subjekte janë zhvilluar diskutime ndërmjet OBU-ve dhe inspektorëve të AKU-së mbi procedurat e kontrolleve zyrtare. AKU është angazhuar në përmbushjen e direktivave të BE-së për sa i takon zbatimit të praktikave të kontrollit ushqimor për rritjen e sigurisë ushqimore.