Policia Rrugore, në kuadër të masave të marra për parandalimin e ngjarjeve rrugore, ka zhvilluar kontrolle në të gjitha akset rrugore, duke vendosur 27 377 masa administrative dhe ndaluar 45 drejtues mjetesh.
Policia Rrugore njofton se janë vendosur gjatë kësaj jave u vendosën 27 377 gjoba për kundërvajtje të ndryshme rrugore. “Nga këto: 1254 drejtues automjetesh që përdornin celularin gjatë drejtimit të automjetit; 7845 drejtues automjetesh që qarkullonin me shpejtësi tej normave të lejuara, por pa masën plotësuese pezullim i lejes së drejtimit; 1516 drejtues automjetesh, për mosvendosje të rripit të sigurimit; 13 543 drejtues automjetesh, për parkime të gabuara; 351 drejtues motomjetesh, për mosvendosje të kaskës mbrojtëse. 2306 drejtues mjetesh janë ndëshkuar për parakalim të gabuar. 562 për shkelje të tjera të Kodit Rrugor”, sqaron Policia në njoftimin e saj.
Policia apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, pasi të gjitha rrugët monitorohen nga mjetet inteligjente dhe patrullat e lëvizshme të Policisë Rrugore. Me qëllim rritjen e parametrave të sigurisë rrugore, Policia e Shtetit fton qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor.
