Shuhet vatra e zjarrit pranë venddepozitimit të mbetjeve urbane

Forcat e Shërbimit Zjarrfikës dhe ushtrisë, që prej pasdites po punojnë për shuarjen e zjarrit në Cepo dhe kanë arritur të vënë nën kontroll flakët. “Më herët kanë fikur gjithashtu vatrën e zjarrit pranë vend-depozitimit të mbetjeve urbane, një zjarr i qëllimshëm për të cilin Policia e Shtetit ka proceduar autorin”, theksoi kryetari i bashkisë Gjirokastër, Flamur Golemi në një postim në rrjetet sociale. “Kush thotë se i ndezim vetë zjarret se s’kemi çfarë iu bëjmë plehrave, është vërtet i çmendur dhe mashtron me vetëdije”, u shpreh Golemi. “Ka një kohë shumë të gjatë që bashkia Gjirokastër nuk asgjëson mbetjet urbane me djegie, por falë investimit që kemi bërë me mbështetjen e qeverisë gjermane, bëjmë trajtimin e tyre me kapsulim pa shkaktuar ndotje për qytetin”, nënvizoi Golemi.https://ata.gov.al/2022/08/09/golemi-shuhet-vatra-e-zjarrit-prane-venddepozitimit-te-mbetjeve-urbane/