Kombëtarja shqiptare e futbollit u mposht 1-3 nga Italia në miqësoren e luajtur sonte në stadiumin “Air Albania” në Tiranë. Trajneri i Kombëtares shqiptare, Edoardo Reja e rreshtoi ekipin me skemën 3-4-2-1. Shqipëria zbriti në fushën e lojës me Berishën në portë, Ismajli, Kumbulla dhe Mihaj në mbrojtje, Hysaj, Abrashi, Bare dhe Lenjani në mesfushë dhe Uzuni me Bajramin pas sulmuesit Broja. Ndërsa trajneri i Italisë, Roberto Mancini e rreshtoi ekipin me skemën 3-4-3 me Meret në portë, Bastoni, Bonucci dhe Scalvini në mbrojtje, Di Lorenzo, Tonali, Verratti dhe Di Marco në mesfushë dhe Zaniolo, Raspadori dhe Grifo në sulm. Kombëtarja e nisi mjaft mirë ndeshjen duke shënuar që në minutën e 16-të me anë të Ismajli, i cili pas një goditje dënimi të krosuar në zonë arriti të shënojë me kokë. Të kaltrit e Mancinit u përgjigjën shumë shpejt duke shënuar në minutën e 20 me Di Lorenzo, i cili erdhi nga e djathta dhe arrit të shënojë pas një gabimi në mbrojtjen shqiptare. Italia arriti të kalojë në avantazh pas 5 minutash. Ishte Grifo ai që në minutën e 25-të arriti të shfrytëzonte mjaft mirë një zbritje të shpejtë të italianëve dhe të mposhte portierin Berisha. Në pjesën e dytë Shqipëria pati disa raste të mira shënimi. Fillimisht me Roshin, i cili hyri në pjesën e dytë në vend të Brojës, dhe goditi në zonë, por portieri Meret arriti ta priste. Më pas në minutën e 63-të, Kombëtarja pati dy raste. Fillimisht Bajrami goditi traversën nga jashtë zone dhe më pas goditja e Lenjanit u largua nga vija fatale e portës së të kaltërve nga Di Lorenzo. Menjëherë pas këtij rasti në minutën e 64′ Italia shënoi golin e tretë me anë të sulmuesit Grifo, i cili shfrytëzoi një pasim mjaft të mirë nga e djathta dhe i vetëm në zonë mposhti me lehtësi portierin Berisha. Kjo ishte sfida e katërt e Italisë ndaj Shqipërisë. Italianët kanë fituar tri herë, 1-0 në miqësoren e Xhenovas më 2014-ën me golin e Okakas dhe në kualifikueset e Kampionatit Botëror “Rusi 2018”, 2-0 në Palermo dhe 1-0 në “Loro Boriçi”, në vitin 2017.https://ata.gov.al/2022/11/16/shqiperia-humbet-1-3-ne-miqesoren-ndaj-italise/
Recent Comments
Bashkia FIER
on
Qarku VLORE
on
Qarku VLORE
on
Qarku DIBER
on
14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on
Bashkia FIER
on
Qarku BERAT
on
Qarku DIBER
on
Qarku TIRANE
on
Qarku KUKES
on
Qarku BERAT
on
Qarku DIBER
on
Bashkia FIER
on
Qarku BERAT
on
Qarku DIBER
on
Qarku TIRANE
on
14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on
Qarku VLORE
on
Qarku KUKES
on
Qarku BERAT
on
Bashkia FIER
on