Paradoksi i Leonardo da Vinçit përqendrohej në mënyrën se si flluskat e ajrit kalojnë në formë zig-zag dhe spirale nëpër ujë. Shkencëtarët duket se kanë zgjidhur një mister të fizikës që i ka habitur njerëzit për shekuj. Në atë kohë Leonardo da Vinçi nuk ishte në gjendje të shpjegonte pse flluskat lëvizin në këtë mënyrë në vend që të ngrihen në një vijë të drejtë, siç do të sugjeronte fizika por gjeti një lidhje midis madhësisë së një flluskë dhe lëvizjes së saj. Lëvizja e papritur ndodh vetëm pasi një flluskë arrin një rreze sferike prej afërsisht 1 milimetër.
Për më shumë se 500 vjet, shkencëtarët që studiojnë dinamikën e lëngjeve gjithashtu nuk kanë qenë në gjendje të japin një shpjegim se pse ndodh kjo. Dy studiues nga Universiteti i Seviljes dhe Universiteti i Bristolit përdorën një kornizë matematikore për të simuluar flluskat e ajrit që ngrihen nëpër ujë, duke llogaritur se ato bëhen të paqëndrueshme sapo të arrihet një rreze prej 0.926 mm.
Kjo është për shkak të presionit të ujit që rrethon flluskat duke formuar deformime delikate në formën e tyre, duke shkaktuar lëvizjen e lëkundjeve. Gjetjet e tyre u detajuan në një studim, të titulluar “Paqëndrueshmëria e rrugës së një flluske ajri që ngrihet në ujë”, botuar në revistën Proceedings of the National Academy of Sciences. Studiuesit arrijnë në përfundimin se zbulimi i mekanizmit hap mundësinë për studime të mëtejshme të cilat imitojnë një grimcë të ngurtë dhe një grimcë të gaztë”. RTSH
