Shkencëtarët ”mësojnë” qelizat njerëzore të luftojnë kancerin e trurit

Shkencëtarët australianë kanë ”mësuar” qelizat njerëzore të luftojnë kancerin e trurit, në mënyrë që të zvogëlojnë ritmet e përsëritjes së një prej llojeve më agresive të kancerit. Trajtimi i glioblastomës imunoterapeutike, i zhvilluar nga studiuesit në Institutin e Kërkimeve Mjekësore në Queensland, të udhëhequr nga imunologu Rajiv Khanna, përdori qelizat imune të modifikuara gjenetikisht që gjurmojnë dhe vrasin qelizat e kancerit që hyjnë në trup. Trajtimi, i quajtur terapi e qelizave T CAR dhe i përshkruar në ”Journal of Immunotherapy for Cancer”, duhet të aplikohet veçanërisht pas një operacioni të madh, për të parandaluar përsëritjet. Duke shkatërruar qelizat e mbetura të kancerit që mund t’i kenë mbijetuar citoreduksionit kirurgjik, qelizat imune të modifikuara ndihmojnë në mbajtjen e pacientëve pa kancer në afat të gjatë. “Qëllimi ynë është ta zhvillojmë këtë terapi qelizore përmes fazave klinike, dhe kështu të ndihmojmë në shpëtimin e jetëve”, shkruan Rajiv Khanna, koordinator mjekësor i Institutit të Kërkimeve Mjekësore në Queensland. ”Pas provave të planifikuara, imunoterapia mund të jetë e disponueshme si një ilaç standard”, shton ai