SHBA forcon praninë në Gji për të kufizuar Teheranin

SHBA-ja tha se kërkon të forcojnë praninë e saj në Gji për shkak të ndalimit të përsëritur nga Irani të anijeve tregtare. “SHBA nuk do të lejojë fuqitë e huaja apo rajonale të rrezikojnë lirinë e lundrimit nëpër rrugët ujore të Lindjes së Mesme”, tha drejtori i Komunikimit të Këshillit të Sigurisë Kombëtare, John Kirby. Ai nuk dha detaje të mëtejshme të planeve. ”Në dy vitet e fundit, Irani ka provokuar 15 anije tregtare që mbanin flamuj ndërkombëtarë”, tha Kirby. “Thjesht nuk ka asnjë justifikim për këto veprime”, theksoi ai. Ai e bëri të qartë se SHBA nuk po kërkon një konflikt me Iranin. Në të njëjtën kohë, ai akuzoi Teheranin se ka shtuar sekuestrimin e anijeve në javët dhe muajt e fundit. Në të kaluarën, ka pasur incidente të përsëritura me cisterna edhe në Gjirin e Omanit. Këto kanë shkaktuar tensione të ashpra politike. Në veçanti, Ngushtica e Hormuzit, një ngushticë 55 kilometra e gjerë midis Iranit dhe Omanit, konsiderohet si një nga rrugët më të rëndësishme të transportit detar për eksportet globale të naftës.