Shkrimtari kroat me origjinë boshnjake Miljenko Jergoviç, ishte i pranishëm sot në Qendrën Kombëtare të Librit dhe Leximit për të prezantuar librin e tij në shqip “Serda këndon në muzgun e Ditës së Rrëshajave”, nga botimet “Dituria”. Jergoviç u lind dhe u rrit në Sarajevë, ku u diplomua për filozofi dhe sociologji në Fakultetin Filozofik në Universitetin e Sarajevës. Ai bëri debutimin e tij në skenën letrare më 1988 me përmbledhjen me poezi “Observatori i Varshavës”. Është autor i shumë veprave në prozë, poezi, dramë, si dhe i shumë eseve të shumta, dhe punon si gazetar dhe kolumnist. Koleksioni i tij i parë, më i famshëm dhe më i suksesshëm i tregimeve të shkurtra rreth jetës kaotike të përditshme në Bosnjë dhe Hercegovinën e shkatërruar nga lufta – “Sarajevo Marlboro” (1994), i dha atij njohje ndërkombëtare. Ai ka botuar deri tani rreth 30 libra. Proza dhe poezia e tij janë përkthyer në shumë gjuhë. atsh
- Advertisment -