Sejko: Kredia me probleme është ulur në 4.7%

Guvernatori i Bankës së Shqipërisë Gent Sejko e cilësoi një arritje të madhe për ekonominë e vendit që niveli i kredive me probleme është ulur nga 25% në 4.7%. Gjatë fjalës së tij në mbledhjen e Këshillit Ekonomik Kombëtar, Guvernatori theksoi se, tregues pozitiv regjistron sot edhe Prodhimi i Brendshëm Bruto. Trendi në rritje i ekonomisë ka ndikuar në uljen e kredisë me probleme. Turizmi por edhe sektor të tjerë vlerësohet të ketë pasur një efekt të rëndësishëm në kërkesën për mallra dhe shërbime në shëndetin e sektorit privat të ekonomisë. Gjithashtu sipas Sejkos, një ndikim të rëndësishëm dha edhe forcimi i lekut në kursin e këmbimit. Ndërkohë që rritja e portofolit të kredisë ndihmoi gjithashtu në uljen e peshës specifike të portofolit të kredive me probleme.