Scholz:Energji elektrike nga burime të rinovueshme

Kancelari gjerman, Olaf Scholz ka theksuar avantazhet e energjisë elektrike nga energjitë e rinovueshme ndaj energjisë bërthamore. “Ne do të jemi më mirë, nëse do të prodhojmë energji elektrike nga burime të rinovueshme. Por, ne nuk kemi asgjë kundër vendeve të tjera që ndjekin një rrugë tjetër. Ata thjesht do të duhet të përballen me çmimet”, tha kancelari në Këshillin Ekonomik, në Berlin. Në prill, qeveria mbylli tre centralet e fundit gjermane, pasi mbyllja fillestare u zgjat për shkak të luftës së agresionit rus në Ukrainë që shkaktoi një krizë energjetike. Qeveria e koalicionit gjerman ndryshoi ligjin bërthamor për të lejuar funksionimin e reaktorëve për një periudhë të kufizuar. “Për të marrë 80% të energjisë elektrike të Gjermanisë nga energjitë e rinovueshme deri në vitin 2030, nevojitet një ritëm i madh, i cili nuk është zhvilluar ende mjaftueshëm”, tha Scholz në Wirtschaftstag. Këshilli Ekonomik është një shoqatë e lidhur me CDU-në me rreth 12 000 anëtarë, por nuk është një nën-organizatë e CDU-së. atsh