Scholz paralajmëron Putinin për ”konfliktin e ngrirë” në Ukrainë

Kancelari gjerman Olaf Scholz ka paralajmëruar presidentin Vladimir Putin kundër krijimit të një konflikti të ngrirë përgjatë kufijve të territoreve ukrainase të pushtuara nga Rusia, në komentet e botuara në gazetën ”Kölner Stadt-Anzeiger”. “Rusia duhet të kuptojë se qëllimi nuk mund të jetë përfundimi i një lloj ‘paqeje të ftohtë’, duke e kthyer kufirin aktual në një kufi të ri midis Rusisë dhe Ukrainës. Kjo thjesht do të legjitimonte sulmin e Putinit”, theksoi Scholz. “Qëllimi është më tepër një paqe e barabartë dhe një parakusht për këtë është tërheqja e trupave ruse’’, theksoi Scholz. I pyetur nëse kushti i tij vlen për Krimenë, ai përsëriti se ‘’tërheqja e trupave nuk është detyra jonë por e Ukrainës e cila dëshiron të arrijë marrëveshjen që ajo dëshiron”. Rusia nisi një pushtim të plotë të Ukrainës në shkurt 2022 dhe që atëherë ka pushtuar dhe aneksuar ilegalisht një numër territoresh ukrainase. Moska gjithashtu aneksoi gadishullin e Krimesë në vitin 2014. ATSH