Kancelari gjerman Olaf Scholz tha sot në samitin e BE-së në Bruksel se ai ka përjashtuar mundësinë e lidhjes së negociatave të buxhetit të BE-së, duke përfshirë ndihmën për Ukrainën, me lirimin e fondeve të ngrira për Hungarinë. Nuk duhet të ketë lidhje me çështje që nuk kanë lidhje”, tha Scholz pas samitit dy-ditor. Scholz iu përgjigj deklaratës së kryeministrit hungarez Viktor Orbán. “Fakti që ata duan të ndryshojnë ligjin e buxhetit 7-vjeçar të Bashkimit Evropian është një mundësi e shkëlqyer për Hungarinë që të marrë pjesën tjetër të fondeve të mbajtura”, tha Orban në një intervistë. “Ne nuk duhet të marrim gjysmën, jo një të katërtën, por gjithçka”, tha kryeministri hungarez. “Ne kemi të drejtë për këto para”, shtoi ai. Orbán, nga ana e tij i ka lidhur negociatat për buxhetin e BE-së, duke përfshirë ndihmën e re për Ukrainën me vlerë 50 miliardë euro (54,72 miliardë dollarë) me disbursimin e fondeve të ngrira të BE-së për vendin e tij
