Një gjykatë arbitrazhi në Shën Peterburg ka ngrirë asetet e disa bankave në Rusi, përfshirë “Deutsche Bank”, pas anulimit të ndërtimit të planifikuar të një terminali, për të cilin banka gjermane kishte garantauar se do të ofronte ndihmë. Veprimi gjyqësor u ndërmor me kërkesë të “RusChimAllianz”, një filial i “Gazprom” që operon një terminalin LNG në Detin Baltik. “Kompania pretendon 239 milionë euro (260 milionë dollarë) kundër “Deutsche Bank”, sipas një raporti nga agjencia shtetërore ruse e lajmeve Tass. Asetet e bllokuara janë letra me vlerë që i përkasin “Deutsche Bank” dhe kompanive të tjera në të cilat ajo ka interes, si dhe pasuri të paluajtshme dhe para në llogaritë bankare. Kjo përfaqëson vetëm një pjesë të aktiveve të bankës në Rusi. Gjykata kishte ngrirë më parë edhe llogaritë bankare dhe asetet e bankës italiane “Unicredit” në Rusi. Huadhënësit e tjerë preken gjithashtu. Masa vjen pasi ndërtimi i terminalit u anulua për shkak të sanksioneve perëndimore. Bankat kishin ndihmuar për të garantuar projektin. “RusChimAllianz” kërkon 444 milionë euro nga “Unicredit”. Pasuritë me vlerë 463 milionë euro do të ngrihen. “Deutsche Bank” deklaroi se mbetet për t’u parë se si do të zbatohet ky vendim nga gjykatat ruse dhe çfarë pasojash do të ketë ai në aktivitetet e bankës në Rusi. “Banka ka siguruar një provizion prej rreth 260 milionë euro dhe një aktiv rimbursimi korrespondues sipas marrëveshjes së dëmshpërblimit,” tha “Deutsche Bank”. “Unicredit” është banka e huaj më e madhe ende aktive në Rusi pas “Raiffeisenbank” të Gjermanisë dhe sipas vlerësimit të saj është një nga 20 bankat më të mëdha në vend për sa i përket aktiveve të bilancit
