Rusia me raketën e re hipersonike “Zircon”

Rusia ka vënë në funksion raketën e re hipersonike “Zircon”. “Jam i sigurt se një armë kaq e fuqishme do të na lejojë të mbrojmë Rusinë nga kërcënimet e jashtme dhe të sigurojmë interesat kombëtare të vendit tonë”, tha Putin në një lidhje të drejtpërdrejtë televizive nga Kremlini. Raketa hipersonike kundër anijeve është pjesë e Flotës së Rusisë dhe do të dërgohet në Oqeanin Atlantik dhe Indian për të demonstruar fuqinë detare të Rusisë. Luftanija, e porositur në vitin 2018, është fregata e parë që pajiset me raketa të reja. “Zircon” ka një rreze prej më shumë se 500 kilometrash dhe përdoret kryesisht për misione kundër anijeve. Për shkak të shpejtësisë jashtëzakonisht të lartë që arrin 8 000 deri në 9 000 kilometra në orë, kjo raketë është praktikisht e pandalshme nga mbrojtja kundërajrore. ATA