Rriten çmimet e prodhimit në eurozonë

Çmimet e prodhimit industrial u rritën 0,6 për qind në eurozonë dhe 0,5 për qind në Bashkimin Evropian në gusht në baza mujore, ndërsa të dyja ranë në bazë vjetore, njoftoi sot Zyra Statistikore Evropiane. Sipas Eurostat, çmimet e prodhimit u rritën me 2,5 për qind në sektorin e energjisë në baza mujore, ndërsa mbetën të qëndrueshme për mallrat kapitale dhe mallrat e konsumit jo të qëndrueshëm në eurozonë. Gjithashtu, çmimet janë ulur me 0,1 për qind për mallrat e konsumit afatgjatë dhe 0,4 për qind për mallrat e ndërmjetme. Për sa i përket BE-së, çmimet e energjisë u rritën me 2,2 për qind, me një rënie prej 0,1 për qind për mallrat kapitale dhe 0,4 për qind për mallrat e ndërmjetme dhe të qëndrueshme në pjesën tjetër. Ndër vendet anëtare, rritjet më të mëdha mujore të çmimeve të prodhimit industrial u vërejtën në Irlandë (+3,7 për qind), Finlandë (+2,4 për qind) dhe Greqi (+2,0 për qind) ndërsa uljet më të mëdha u regjistruan në Rumani (-1,3 për qind), Slloveni (-0,7 për qind) dhe Belgjikë (-0,6 për qind).