Rregulla strikte të borxhit publik në BE

Gjermania nuk është i vetmi vend që bën thirrje për rregulla strikte të borxhit publik në Bashkimin Evropian, tha sot ministri gjerman i Financave, Christian Lindner. “Gjermania nuk është aspak e izoluar. Ka shumë shtete anëtare që ndajnë shqetësimet tona”, tha Lindner. “Megjithatë, vendet e tjera mund të jenë më pak të zëshme”, shtoi Lindner. Rregullat e rrepta të borxhit dhe deficitit të bllokut janë pezulluar për shkak të pandemisë së koronavirusit pasi disa vende si Gjermania morën shuma të mëdha të borxhit publik, duke nxitur thirrjet për reforma. Në prill, Komisioni Evropian propozoi që vendeve me borxhe të mëdha, t’u jepej më shumë liri veprimi në uljen e borxhit publik për të mundësuar investimet e nevojshme. Sipas rregullave të pezulluara aktualisht, vendet duhej të reduktonin borxhin e tyre me 5% në vit. Gjermania ka kërkuar vazhdimisht rregulla detyruese për vendet me borxhe të larta, duke përfshirë uljen e raportit të borxhit ndaj prodhimit ekonomik me 1 pikë përqindje në vit. Nëse nuk arrihet një marrëveshje midis vendeve të BE-së dhe Parlamentit Evropian deri në fund të vitit, rregullat e pezulluara aktualisht do të kthehen në fuqi. atsh