RIT Kosova akreditohet nga Asociacioni Amerikan i Teknologjisë ATMAE

Në një takim të mbajtur në Louisville të Shteteve të Bashkuara të Amerikës, Bordi i Asociacionit të njohur amerikan për Teknologji, Menaxhment dhe Inxhinieri të Aplikuar (ATMAE) ka miratuar raportin e ekipit vlerësues për akreditimin e të gjitha programeve të ofruara nga RIT-Kosova. Asociacioni i Teknologjisë, Menaxhimit dhe Inxhinierisë së Aplikuar (ATMAE) është një agjenci e specializuar për diploma të teknologjisë, menaxhimit dhe inxhinierisë së aplikuar. ATMAE është një nga organizatat më të njohura në SHBA për vendosjen e standardeve për akreditimin e programeve akademike institucionale, certifikimin personal dhe zhvillimin profesional për mësimdhënësit dhe profesionistët e industrisë të përfshirë në integrimin e teknologjisë, udhëheqjes dhe dizajnit. Sipas legjislacionit kosovar, Agjencia Kosovare e Akreditimit validon të gjitha programet e akredituara nga organizatat e njohura nga Këshilli për Akreditimin e Arsimit të Lartë (CHEA) në Shtetet e Bashkuara dhe ATAME është pjesë e tyre.https://www.rtklive.com/sq/news-single.php?ID=622926